شوفت علي بيدج اسمها* اضحك يابن النكديه* الصوره دى وعجبتنى اووووى او الي عجبني اكتر بصراحه الكومنت الي كان مكتوب عليها،
(الإحترام والإهتمام هما سر الحب الذي لا يموت)
(الإحترام والإهتمام هما سر الحب الذي لا يموت)
رآيى من زمـــــــــــــــــــــــــــــان
وكان دي ديما رأيى وفعلا هو دى الى كنت بدور عليه في شريك حياتي،
وكان عندي يقين كبير ان الإحترام والإهتمام هما الي ينجحوا اي علاقه بين اي اتنين .
متجوزين او اصحاب او اخوات وبذات ما بين المتجوزين ،
وهما دول الي يبخلوا الحب موجود ومستمر ودققت جداااا في الموضوع دى،
وعرسان تيجي وعرسان تروح و خطوبات تتفسخ وانا برضوا مصممه وبدورعلي
اللي انا كنت مقتنعه بيه لانى مش هقدر اعيش غير مع اللي عنده الى انا بدور عليه
وكتير كنت بسمع (كلهم بعد الجوازبيتغيروا وبيبقوا زي بعض )بس احساسى كان مختلف ،
ولقيته (محمد حسن) جوزي حبيبي بس مش علي حصان والافلام الابيض واسود دى ولقيت الي كنت بدور عليه واول متعرفنا يااااه مؤلكوش كنت فرحانه جداااا بيه
كل حاجه كنت بتمناها في شريك حياتي بصراحه لقتها
بس احنا لسا مخطوبين
ولسا اصحاب مقولة( كلهم بعد الجوازبيتغيروا و بيبقوا زي بعض) صوتهم بيرن في ودنى ومش راضى يفارقنى ولا صوت الضمير!!!!
،وبصراحه اكتر كان عندى شويه قلق بس محمد كان انسان طيب جداااا معايه ومريح بنسبالي وسهل الفهم .
اهتمام بطرق خاصه
أىىىى نعم هو كان بيضحك معايه طول الخطوبة وقلي انه* اقلع عن التدخين* وعرفت بعد الجواز انه مش مبطل ولا بطيخ.
بس بردو بحبه عشان علي الاقل هو كان بيحاول كده يعمل ومش عايز يزعلني منه لانه بيحبنى ودى اهتمام بردو.
سنه فاتت
المهم عشان مطولش عليكوا اتجوزنا وبقلنا سنه مع بعض والحمد لله وما شاء الله ولاحول ولا قوة الا بالله.
اه معلش اعزرونى ميحسد الجواز الا اصحابه حياتنا مع بعض في منتها الحب ، ودى سببه الإحترام والإهتمام والتقدير المتبادل بنا ويارب ديما في تفاهم واحترام وغير ذلك فما بنى علي باطل فهو باطل كل سنه واحنا مع بعض في تفاهم وحب واحترام.